’Bloomberg’’, një nga rrjetet më të mëdha mediatike në botë, është shprehur nëpërmjet një shkrimi se ish-Kryeministri i Italisë, Silvio Berlusconi do t’i rikthehet fuqishëm jetës politike. 82-vjeçari, që për gati dy dekada mbizotëroi politikën italiane është i gatshëm të rrënojë edhe suksesin e partisë së Matteo Salvinit.
Rikthimi i ‘’Kavalierit’’ në politikë nuk ka të bëjë me aderimin në një parti, por me krijimin e një federate të shoqërisë civile e quajtur L’Altra Italia.
“Ish-kryeministri tha se iniciativa është një mënyrë për të reaguar ndaj përkeqësimit të vazhdueshëm të politikës italiane, duke iu referuar përplasjeve të vazhdueshme midis Lidhjes dhe Pesë Yjeve, të cilat formuan një koalicion qeverisës të vështirë një vit më parë. Berluskoni tha se aleanca e re është e nevojshme për të riparuar problemet ekonomike të Italisë dhe për të ndryshuar pozicionin e vendit brenda Bashkimit Evropian”, raporton Bloomberg.
Berlusconi arriti të fitonte një vend në Parlamentin Europian.
Silvio nuk ka qenë i sukseshëm vetëm në politikë. Ai ka korrur suksese edhe në botën e futbollit ku më 16 shkurt 1986 mori drejtimin e Milanit dhe me skuadrën kuq e zi në 30 vite, deri në shkurt të vitit 2016, kohë në të cilën hoqi përfundimisht dorë nga skuadra italiane, arriti të fitonte të gjithë trofetë e mundshëm, duke e shndërruar ‘’Djallin’’ në një prej klubeve më të trofeshëm në Europë.
