Ish-kryeministri Sali Berisha vazhdon me akuzat ndaj kryeministrit Edi Rama për mosmarrjen e masave në kohën e duhur ndaj pandemisë Covid-19.
Në një intervistë për A2 CNN, ai denoncoi disa raste të cilat sipas Berishës kanë vdekur nga koronavirusi, ndërkohë ministria e Shëndetësisë deklaroi se shkak ishin sëmundje të tjera.
‘127 ka zbatuar urdhëra çnjerëzor për mosshtrimin e të sëmurëve. Ka prova të pakundërshtueshme, 6 prej tyre kanë vdekur nga Covid, ndërsa u shpallën nga ministria se u shpallën nga sëmundje të tjera.
Deklaratat e Edi Ramës faktojnë një falsifikim mostruoz. Janë edhe raste në Krumë që nuk u tërhoqën trupat. Në Tropojë, po ashtu edhe rastet në Korçë.
Jam i sigurtë edhe kam denoncuar disa në herë me statuse ka patur Covid jo një po disa raste.
Edhe atë ditë kur dolën raste zero, unë kam thënë se është një zero me bisht. Enea Cara, Sokol Boliqi janë raste që kërkuan ndihmë po nuk i dhanë’, tha Berisha.
Më tej, ai ka theksuar se Rama humbi psiqikën dhe strategjia që ai po ndjek, është më e keqja e mundshme.
‘Është një papërgjegjshmëri totale, pasi gjer në shkurt nuk ishte marrë asnjë masë. Deri më 26 shkurt kur foli Rama, nuk u morën masa, ishte bërë vetëm një test. Në datë 2 mars Rama u shpreh se nuk ishte asgjë. Ai humbi kontrollin e psiqikës së tij. Ndaj u ngujua në Surrel nga frika se do vdiste nga Covid.
Strategjia që po ndiqet është më e keqja që mund të ndiqet. Është panikndjellëse, pasi paniku çon në vetvrasje. Rama e përjetoi këtë panik pasi nuk kishte se çfarë ti thoshte qytetarët, nga që nuk kishte marrë asnjë masë’, shtoi Berisha.
