Dy ditë më parë, Angela Martini postoi foto nga një prej rezorteve më luksoze në botë, në Zelandën e Re, aty ku po kalon muajin e mjaltit me Dragos Savalescu- n.
Këto foto u bënë shkak që një prej ndjekësve të saja në Instagram t’i shfryhej e t’i shkruante një mal me ofendime. Angela, e shokuar vendosi t’ia postonte të gjitha ç’kishte thënë, një për një.
“Si mundet një grua të flasë kështu?” shkruajti Angela.
“Sa shumë mllef dhe sa shumë frustrim mund të ketë?”
“Ndihem keq për të! Çfarë dështakeje!”
Në të qindtën e sekondit nga llogaria e komentueses u zhduk gjithçka si dhe u ndryshua emri.
“Uups, çfarë i ndodhi llogarisë tënde? Pa problem, herë tjetër mëso të jesh e mirë me njerëzit.”
Duke qenë se identiteti u bë publik dhe u memorizua menjëherë, vajza i detyrohej imazhit të saj, të paktën me një ndjesë publike.
Iliriana Tahiraj, vajza në fjalë ka shkuar në Facebook, për më tepër ka sqaruar se në fakt nuk ka qenë ajo që i ka shkuar ato fjalë. Dikush tjetër i ka vjedhur llogarinë dhe ka folur në emër te Tahiraj- t.
“SHOKUESE! Miq dhe dashamirës doja t’ju njoftoja që Instagrami im është hakuar, ku në të njëjtën kohë edhe kanë shfrytëzuar Instagram- in tim për të bërë ofendime ndaj personave duke filluar nga Angela Martini e deri te të afërmit e mi, duke shfrytëzuar emrin (profilin) tim. E gjithë ndërgjegjja mbetet mbi hakuesin. Me keqardhje ju kërkoj falje atyre personave që janë ofenduar nga ato fjalë që fatkeqsisht s’janë të shkruara nga unë. Ju faleminderit për mirëkuptimin.”
Sido të ketë qenë e vërteta, të shkruara nga dora e saj, të shkruara nga dora e dikujt tjetër, ato fjalë dhe postimi i tyre u bënë shembull për gjithkënd. Herë tjetër kushdo do ta mendojë dy herë!
