Ferrarit mesa duket qenkan më keq se patatinat: Kur merr të parën, pastaj nuk ndalon dot më!
Këtë e ka dëshmuar së fundmi reperi Noizy i cili në pak më shumë se një vit, i ka dhuruar vetes 3 Ferrari.
Reperi sapo ka blerë supermakinën e radhës, që ka kushtuar jo pak, por plot 300 mijë euro.
Noizy mesa duket ka nisur të krijojë koleksionin e tij të supermakinave, të cilat dallohen për emrat e veçantë.
Ferrarin e tij të parë, reperi e ka quajtur Shakira, të dytën e ka quajtur motra e Shakirës, ndërsa të tretën, reperi ka deklaruar se e ka quajtur “December” (Dhjetor).
