Kandidati i Partisë Socialiste në Berat, Nasip Naço, është shprehur se dihej se PS do të merrte 5 mandatet.
“Nuk diskutohej që do të merrnin 5 mandate në Berat, nga eksperimentet e dështuara të Lëvizjes Socialiste për Integrim. LSI bëri disa zgjedhje të gabuara”, tha Naço teksa ishte në një lidhje direkte me emisionin “Breaking” në Top News.
Sipas tij, eksperimentet politike të të shkuarës së LSI-së janë të dështuara.
“Kur legjenda e LSI-së, Petrit Vasili mori 19 mandate dhe dha dorëheqjen, të tjerët duhet të vlerësojnë atë. LSI duhet të reflektojë në gabimet e bëra në vitet dhe kohët e undit. Nuk morën as çerekun e votave të 2017-ës”, tha Naço.
Ky i fundit u shpreh se është e vërtetë se Ilir Meta e ka futur në poltikë, por nuk lejon bishtukë të LSI-së që ta largojnë. Ai shtoi se do largohet nga politika vetëm kur ta bëjnë qytetarët.
“Ata që mendonin se do të isha vasal i tyre, e kanë gabim. Nuk më ka faluar njeri mandat, e mora me votat personale dhe i ktheva borxhin PS-së. Qëllimi im nuk është pjesë të marr post ministror”, tha Naço.
