Ministri i Shtetit për Rindërtimin Arben Ahmetaj tha se komisionin shtetëror është i hapur për çdo donator që kërkon të jetë aty. Ahmetaj foli para mediave për këtë fazë të rindërtimit pas tërmetit në të cilën ka kaluar një fond prej 8.7 milionë lekësh. Ai tha se shtëpitë individuale do të jenë të ndërtuara brenda vitit ndërsa kantieret e blloqeve të apartamenteve në gjithë territorin e dëmtuar nga tërmeti do jenë të hapura brenda 2020.
“Në referencë të plotë të parimit të transparencës dy ditë më partë bëmë takimin e komisionit shtetëror të rindërtimit ku për herë të parë ftuam si anëtarë me të drejta të plota në komision, donatorët, SHBA, KE, UNDP, BB dhe e kemi lënë pjesëmarrjen e hapur për çdo donator që shpreh dëshirën të jetë aty. Shumë shpejt do kemi dhe ekspertë të KE që do t’i atashohen.
Rindërtimi ka hyrë në një fazë të re ku në terren do të shohim shumë shpejt hapat konkretë, ndërtim shtëpish individuale dhe brenda këtij viti do jenë hapur të gjitha kantieret e blloqeve të apartamenteve në Durrës, Tiranë, Shijak, Lezhë, THumanë, Kavajë apo në gjithë territorin e dëmtuar ku planet vendore por vijnë me atë koncept zhvillimi urban e gjenerik”, deklaroi ai.
I pyetur se mbi ç’bazë kriteresh do zgjidhen familjet që përfitojnë të parat, Ahmetaj tha se do të akomodohen të gjitha.
“Të gjitha familjet që do të akomodohen në shtëpi individuale do përfitojnë, të gjitha. Nuk ka kjo është e para, kjo e dyta”, u shpreh ai.
