Grupi parlamentar i Parlamentar i PD ka kërkuar interpelancë me kryeministrin Edi Rama, por Kuvendi nuk e ka futur në rend dite. Në një dalje për mediat, deputeti Arbi Agalliu u shpreh se PD nuk është dakord me masat e marra nga qeveria, pasi një pjesë e tyre kanë qenë të parashikuara në buxhet, ndërsa të tjerat janë fasadë.
“Si sekretari i grupit parlamentar të PD jam këtu për të përcjellë shqetësimin si grup parlamentar. Kemi kërkuar në interpelancë Ramën lidhur me situatën ekonomike të vendit tonë. Prej javësh ka rritje të çmerimeve, që janë shoqëruar me protesta. PD që na shtator 2021 ka parashikuar rritjen e çmimeve, që iu bashkëngjit edhe lufta.
PD ka bërë disa propozimi që nga reduktimi i TVSH. Por këto propozime nuk u morën në konsideratë atë kohë. Ne përballemi sot edhe me abuzueshmërinë e sektorëve të caktuar të ekonomisë.
Qeveria ka propozuar disa masa, për të cilat ne nuk jemi dakord sepse një pjesë e tyre nuk quhen masa sepse kanë qenë të parashikuara në buxhet, të tjerat janë fasada.
Unë sot iu kërkova grupit parlamentar të ndryshonte rendin e ditës. Nuk është pranuar. Rama është i detyruar të vijë të paraqitet ose të delegojë një person tjetër nga kabineti, për ti dhënë shpjegim deputetëve për masat që qeveria ka marrë”, tha Agalliu.
