“Nonino 2018″/ Ilir Meta përshëndet vlerësimin e Kadaresë: Ogur i mbarë për Shqipërinë europiane.
Kreu i shtetit Ilir Meta ka përshëndetur vlerësimin ndërkombëtar të shkrimtarit të madh shqiptar, Ismail Kadare me çmimin prestigjioz “Nonino 2018”.
Presidenti e cilëson këtë si një ogur të mirë për Shqipërinë europiane.
“Një lajm i mirë për të gjithë shqiptarët vlerësimi i shkrimtarit tonë të njohur Ismail Kadare me çmimin ndërkombëtar ‘Nonino 2018’, një çmim për figura të mëdha të kulturës me peshë botërore.
Një ogur i mbarë për Shqipërinë europiane dhe kontribut i çmuar për arritjen e qëllimit të saj madhor: Integrimin në Bashkimin Europian”, shkruan Meta në Facebook.