Policia ka arrestuar në flagrancë ntën e kaluar në Fier shtetasin Lefter Meruko duke grabitur një banesë.
Meruko 42 vjeç banues në Pogradec dyshohet se ka kryer edhe grabitje të tjera në këtë zonë.
Autori ka qenë brenda në banesë në momentin që ka mbërritur policia e njoftuar nga fqinjët, pasi pronarët e banesës jetojnë në Greqi. Meruko është i dënuar edhe më parë me të njëjtën akuzë “Vjedhje”.
42 vjeçari përfundoi në prangat e policisë fillimisht në vitin 2014 pasi në bashkëpunim me një tjetër person, vidhnin dhe më pas i shisnin në dyqanin e bashkëpunëtorit të tij.
Pas arrestimit të tyre policia sekuestroi të gjitha sendet e vjedhura dhe gjithashtu iu gjeti në banesë sende të cilat autorët i përdornin për të vjedhur si doreza, kapuçë, fishek, thikë dhe disa aparate celulare.
Pogradecari zakonish vepronte në banesa lokale dhe biznese të vogla pronarët e të cilave largoheshin për pak kohë.
Njoftimi i policise:
Gjatë mesnatës, te Salla Operative Fier ka njoftuar një qytetar se në fshatin Peshtan, një shtetas ka hyrë në banesën e shtetasit J.Gj, 46 vjeç, aktualisht me banim në Greqi. Pas njoftimit të marë nga Salla Operative, është kapur në flagrancë nga patrulla e policisë në ambientet e brendshme të banesës duke vjedhur shtetasi Lefter Meruko (I dënuar më parë për veprën penale “Vjedhje”).
Ky shtetas dyshohet se ka kryer edhe vjedhje të tjera në këtë zonë. Po punohet intensivisht për dokumentimin ligjor të gjithë veprimtarisë. Materialet hetimore i kaluan Prokurorisë pranë Gjykatës së Shkallës së Parë Fier për veprën penale “Vjedhje” e mbetur në tentativë parashikuar nga Nenet 134/1 e 22 të Kodit Penal .
AlpeNews.al
