I riu qe i dha fund jetes brenda ne banese me pistolete mengjesin e sotem ne qytetin e Vlores, quhet Roland Rrodhaj dhe kishte pak dite qe ishte kthyer nga Italia. Ai kishte vite qe jetonte si emigrant dhe ndante jeten mes Italise dhe Greqise. Familjarët kanë thene se e kishin vene re se pas kthimit nga Italia 10 dite me pare, ai nuk ishte mirë.
“Ishte i mbyllur dhe nuk takonte me asnjë nga shokët. Dyshojmë për probleme që djali mund të ketë pasur nga puna jashtë shtetit”, janë shprehur familjarët, raporton News24.
Të afërm të Rolandit, tregojnë se ai ishte djalë i qetë teksa ngrenë dyshimet se djali ka pasur probleme me lekët e punës.
“I kanë mbajtur lekët, dhe kur ka ardhur në fshat nuk kishte lek me vete”, kanë thënë ata. Mësohet se para 3 ditësh 26-vjeçari ka mbyllur dhe adresat e rrjeteve sociale.
