Mesfushori shqiptar, Elvis Rexhbecaj, i lindur në fshatin Gjonaj të Prizrenit, debutoi në Bundesligë, me fanellën e Wolsburgut në sfidën ndaj Hanoverit.
Rexhebecaj firmosi në datën 20 gusht të vitit 2017 kontratën e tij të parë si profesionist, ndërsa më parë ishte pjesë e akademisë së Wolsburgut.
Paraqitjet e shkëlqyera me skuadrat zinxhir të klubit bardhjeshil bënë që ai të bindë drejtuesit për ta thirrur në ekipin e parë.
Mesfushori shqiptar u hodh në fushën e lojës në minutën e 84-t, duke zëvendësuar Didavin.
Wolfsburgu arriti të triumfonte në transfertë me rezultatin 0-1, falë golit të shënuar nga Mali në minutën e 72-të.
20-vjeçari nuk ka zgjedhur ende kë kombëtare do të përfaqësojë, edhe pse shpresohet të zgjedhë fanellën kuqezi.
