Një fotografi “selfie” mund t’i kushtojë shumë një turisti austriak, për shkak se ka dëmtuar një nga skulpturat me vlerë të paçmuar në Itali.
Skulptura e Antonio Canovas, “Paolina Borghese”, në muzeun e Possagnos (Treviso), u dëmtua nga turisti austriak që i theu gishtërinjtë e saj.
Lajmin e bëri të ditur kritiku i njohur italian i artit, Vittorio Sgarbi, i cili është president i fondacionit “Antonio Canova”.
“Pas rihapjes së muzeve, dhe mes tyre ai i Possagnos, ka një episod të bujshëm, i cili nuk vjen nga vizitorët italianë ose nga qytetarë jo të BE-së, por nga një turist austriak që ka vendosur të pozojë për një selfie, i ulur në Borghese Paolina, duke thyer gishtërinjtë e saj”, tha Sgarbi.
“Kërkoj nga policia dhe drejtësia qartësi dhe ashpërsi, që të identifikojë vandalin e pavetëdijshëm dhe që ai të mos ia hedhë pa u ndëshkuar”, përfundon ai.