Trupi i Menduh Kurt-dedës, 61-vjeçarit që u vra pesë vite më parë, krim që u zbardh vetëm pak ditë më parë, është identifikuar nga një protezë dhëmbësh.
Raportohet se protesta e dhëmbëve që mbante Kurtdeda dhe një pjesë e njërës këmbë që nuk ishin shkrumbuar tërësisht, kanë qenë provat e para që kanë çuar geupin hetimor drejt analizës së AND-së. mostrat kanë dalë në përfundimin se bëhej fjalë për 61-vjeçarin që rezultonte i zhdukur.
Qëllimi i radhës ishte zbulimi i autorëve dhe kjo është bërë përmes një zinxhiri qeni, i njëjti me të cilin ishte lidhur 61-vjeçari para se të digjej, por që i shpalluri në kërkim Besmir Karaj, e kishte përdorur për qenin e tij për pesë vitet në vijim.
Një tjetër provë, e ‘harruar’ ka qenë një usb, e gjetur në Kodër Shupalë, pikërisht në vendin ku u dogj për së gjalli Kurt-deda. Nuk dihet ende se çfarë është gjetur brenda asaj usb-je, por materialet bënë që grupi hetimor të ndërtonte rrethin me të cilin kishte pasur kontakte e probleme 61-vjeçari.
Marrja në pyetje e rrethit të tij të ngushtë nxorrën në dritë borxhin që Kurtdeda i kishte Marjeta Karajt, të cilën e kishte dhe të dashur. Ai i detyrohej 56-vjeçares 1 milionë lekë të reja, por prej muajsh nuk ia kthente. Ky borxh ka bërë që Karaj të jepte urdhrin dhe ta ‘eliminonte’ Kurt-dedën, me të cilin ishte edhe ortak në shoqërinë e bamirësisë që kishte hapur.
Djali i saj, Bemsir Karaj dhe shoku i tij, Gazmir Ngota e çuan në Kodër Shipalë, e dhunaun dhe më pas e dogjën të gjallë.
Veprimet, sipas dëshmisë së Ngotës, i ka kryer 34-vjeçari. Tashmë pas hekurave ndodhet Ngota dhe Marjeta Karaj, ndërsa djali i saj, Besmir Karaj është shpallur në kërkim. Ai dyshohet se ndodhet në Itali.
