Ndërsa pritet që të fillojë protesta e opozitës, Ambasada amerikanë në Tiranë nxit pjesëmarrësit që të ushtrojnë paqësisht të drejtën e tyre për t’u mbledhur.
‘Shtetet e Bashkuara nxisin të gjithë pjesmarrësit në protestën e sotme që të ushtrojnë paqësisht të drejtën e tyre për t’u mbledhur dhe të refuzojnë dhunën, si dhe iu bëjnë thirrje qeverisë dhe forcave të sigurisë që të tregohen të përmbajtur’, thuhet në reagimin e ambasadës.
Ndërkohë protesta pritet të fillojë në orën 10 ndërsa shumë protestues janë nisur nga qarqe të ndryshme.
