Klubi i njohur gjerman, Borussia Dortmund ka marrë sot dy lajme: një të mirë dhe të keq. Për ta nisur nga lajmi i mirë, shefi ekzekutiv i klubit, Hans-Joachim Watzke ka vendosur të qëndrojë te Borussia Dortmund deri në vitin 2022. Lajmi është bërë zyrtar nga klubi gjerman përmes një komunikate zyrtare, ku saktësohen edhe detajet e marrëveshjes së re. Me Watzke-n në drejtim qysh nga viti 2005, Borussia Dortmund ka regjistruar bilance financiare tepër pozitive.
Sa i përket lajmit të keq, Borussia Dortmund është dënuar me 50 000 euro gjobë për shkak të sjelljes së gabuar të tifozëve në tre ndeshjet e fundit. Sipas vendimit të Federatës Gjermane të Futbollit, fansat verdhezi kanë përdorur mjete piroteknike në stadium, gjë që është e ndaluar.
