Ndonëse na ndajnë një javë nga protesta që do të organizojë opozita kundër qeverisës, ku do të kërkohet dorëheqja e ministrit Fatmir Xhafajt, vjen lëvizja e radhës nga PD.
Kreu i PD-së Lulzim Basha ka thirrur krerët e degëve në rrethe në një mbledhje në selinë blu. Po ashtu përveç organizimit të protestës së 26 majit, Basha do të diskutojë me demokratët në rrethe edhe zgjedhjet brenda PD.
Kujtojmë se ditën e djeshme gjatë një takimi mes Bashës dhe aleatët të PD, u vendos që të riktheheshin protestat, ndërsa ajo u caktua të mbahej të shtunën që vjen. Kjo lëvizje erdhi pas zhvillimeve të fundit politike, ku opozita prej disa ditësh po akuzon ministrin e Brendshëm Fatmir Xhafaj se po mbron vëllain e tij që sipas tyre është i lidhur me trafikun e drogës. Ndonëse ata kërkuan dorëheqjen e Xhafajt, kjo gjë nuk u pranua as nga ministri dhe as nga kryeministri./BW
