Eshte bere javë nga vaksinimi masiv në Shqipëri, i cili po ecën me ritme të shpejta në Tiranë dhe disa nga qytetet kryesore të vendit.
Në pesë ditët e para u vaksinuan si fillim të moshuarit mbi 70-vjeç e më pas gazetarët e terrenit ndërsa sot nisi vaksinimi masiv i policëve në Tiranë, Shkodër, Elbasan e Kukës, të cilët morën dozën e vaksinës Sinovac.
Ministrja e Shëndetësisë dhe Mbrojtjes Sociale, Ogerta Manastirliu, nga qyteti i Vlorës dha lajmin e mirë për të moshuarit mbi 60-vjeç, se do të nisë vaksinimi edhe për ta.
Ndërkohë jemi duke përgatitur për të ulur fashën deri në plus 60 vjeç e do ndjekim planin e vaksinimit kombëtar e të vijojmë dhe me grupet e rriskut, u shpreh Manastirliu.
Nga fillimi i vaksinimit në vendin tonë më 11 janar e deri më sot, janë kryer 172.486 vaksinime.Në 24 orët e fundit kanë marrë vaksinën 17.023 gjyshër/gjyshe e gazetarë terreni, lajmin e bëri të ditur vetë ministrja Manastirliu në rrjetet sociale.
Brenda prillit Shqipërisë do t’i shtohen edhe 23 mijë doza të tjera të vaksinës Pfizer në luftën kundër COVID. Lajmin e dha vetë kryeministri Rama përmes një postimi në facebook. (KLIKO)
Edhe pse procesi i vaksinimit po ecen normalisht , partitë politike duke përfshirë këtu PD- LSi nuk po respektojnë as edhe një masë anti-covid.
Partia Demokratike që prej nisjes së fushatës po krijon një vatër infeksioni nga grumbullimet masive me njerëz që organizon dita ditës, kështu duke mos respektuar vendimin e Komitetit Teknik të Ekspertëve.
Që nga fillimi i pandemisë Shqipëria rregjistron 125,842 raste pozitive nga të cilat 31,095 janë ende aktive, ndërsa numri i viktimave është në total, ndërsa numri i të shëruarve ka shkuar në 92,500/Alpenews.al
