Qindra gra kanë marshuar në rrugët e Rio de Janieros të premten, ato kërkojnë legalizimin e abortit në Brazil.
Ky marsh është bërë menjëherë pasi që shteti fqinjë Argjentina ka legalizuar abortin në 14 javët e para të shtatzënisë, pas një debati të madh disa mujor.
Në banerët protestuese ato kishin shkruar “gratë e pasura abortojnë, të varfrat vdesin” si dhe slogane të tjera të cilat janë pro legalizimit të abortit.
“Një grua nuk duhet të bëhet me zor një nënë” ka thënë Tina Tigri, nënë e dy fëmijëve qe po merrte pjesë në këtë protestë. “Ne vetëm duam që aborti të jetë legal dhe i sigurt, në një spital”.
Aborti në Brazil është legal vetëm në tri raste:
Nëse jeta e gruas është në rrezik, nëse gruaja është dhunuar, ose kur fetusi është me anomali. Sipas ekspertëve të shëndetësisë, në mes të 400,000 dhe 800,000 gra kryejnë abort në vit në këtë vend, gati që të gjitha abortet janë ilegale.
