Çdo vit në familjen Kardashian hidhen ato festat e çmendura, ku të ftuar janë emrat më të njohur të industrisë së shoëbiz-it, sigurisht përveç klanit Kardashian që fare mirë mund ta bëjnë festën vetëm. Njerëzit hanë, kërcejnë, publikojnë gjëra në rrjete sociale dhe bëjnë fotot e famshme.
Dhe të gjithë këtë vit po prisnin të shihnin një person në veçanti në këto foto dhe ajo është Kylie Jenner, që fare rastësisht është shtatzënë dhe po aq rastësisht është zhdukur nga kartolina familjare e Krishtlindjeve. Kylie ishte në festë dhe jo vetëm që postoi një seri fotosh me motrën (tjetër) shtatzënë, Khloe-n, por edhe me të dashurin e saj dhe babain e fëmijës, reperin Travis Scott.
Ndryshe nga marrëdhënia e saj me Tyga-n, të dashurin e mëparshëm, këtë lidhje Kylie vendosi ta mbante në privatësi të plotë, larg vëmendjes së mediave dhe syrit të publikut. Dhe duhet thënë që nuk i ka ecur keq. Të dy në foto duken shumë të afërt dhe të lidhur bashkë, ndërsa vëzhguesit e internetit nuk mund të mos vinin re që dora e Scott është e vendosur mbi barkun e 20-vjeçares.
Nuk dihet me saktësi sa shtatzënë është Kylie, por pritet të sjellë në jetë një vajzë periudhën e Vitit të Ri, prandaj bëhuni gati për një shumim të frikshëm të Kardashian-eve në 2018-tën!
