Një prej artisteve më diskrete të showbiz-it shqiptar, edhe për shkak se jetën artistike e ka fokusuar prej kohësh në Itali, Evi Reçi.
Evi Reçi ka ndarë me publikun projektet e saj të reja, punën si gazetare në Firence, por edhe raportin që ka me showbiz-in shqiptar dhe kolegët e saj artistë.
E përfolur shpesh për marrëdhënien me motrat Vjollca, Marina dhe Luana, Evi, më në fund, ka sqaruar se cili është raporti që i bashkon mes tyre.
Pak kohë më parë, nisur nga një koment i Ronela Hajatit në një foto të saj, lajmi se Evi dhe Ronela janë kushërira u përhap në të gjitha mediat.
Por sot, Evi sqaroi se, në të vërtetë, ato janë mikesha, por nuk janë kushërira.
“Familjet tona njihen, por në të vërtetë nuk jemi kushërira, nuk kemi lidhje gjaku”, – tha ajo për raportin me Ronela Hajatin.
Ndërsa marrëdhënia me Marinën dhe Luanën është marrëdhënie fisnore:
“As ato nuk i kam kushërira, jemi në fis dhe mikesha, por nuk jemi kushërira të afërta”, – tha Evi.
Megjithatë, sa herë bashkohen tri biondet, “Instagrami” dhe komentet virtuale shpërthejnë.
Njëra më e bukur se tjetra, ato ia arrijnë gjithmonë qëllimit për t’i bërë të gjithë për vete.
