Numri dy i qeverisë Erion Braçe duket se i ka kuptuar problemet që ka Shqipëria pas tetë vite qeverisje.
Ai thotë se vendi ka problem pandëshkueshmërinë dhe pabarazinë para ligjit.
Mes të tjerash, në një postim në rrjetet sociale zv.kryeministri sugjeron që të ndërmerret një lëvizje kundër korruspionit në kuadër të forcimit të shtetit të së drejtës.
Sakaq edhe këtë herë nuk kanë munguar as komentet ironizuese të qytetarëve që kanë përcjellë statusin.
Ata i kujtojnë Braçes se tashmë ka tetë vite në qeverisje dhe se nuk i shkon më gjuha e opozitarit për shkak të përgjegjësive që ka dhe aksioneve konkrete që duhet të kishte ndërmarrë për të çuar më tej objektivat të cilat parështron herë pas here në Facebook.
Statusi i plotë i Braçes:
Lufta kunder krimit, krimit te organizuar apo mafieve, nuk eshte ceshtje pushke!
Ështe ceshtje vullneti, kurajoje, kembenguljeje, vendosmerie, distance, tolerance zero, sakrifice!
Giovanni Falcone e Paolo Borselino vlejne per kete!
Shqiperia ka ende problem te madh pandeshkueshmerine, pabarazine para ligjit;
Per kete arsye heronj negative dhe ende jo pozitive ne rradhet e #DREJTESISE!
Por nje ere e re ka nisur;
Po preken prokuroret e korruptuar, gjykatesit e korruptuar, politikanet e korruptuar;
Tani duhet ndeshkueshmeri e qarte dhe gjithperfshirese ndaj grupeve kriminale, sipermarresve te korruptuar qe sherbejne si banka e lavatrice per ta, gjithashtu!
Tani, duhet nje levizje e forte kunder korrupsionit e krimit te organizuar deri ne nivelin e nje kulture te re perfshirese per barazi para ligjit, ndeshkim ndaj gjithkujt qe perfshihet ne korrupsion e krim!
