Mediat çeke flasin për projektin veror Nivica 2018, tashmë i përfunduar, por që ka lënë mbresa të shkëlqyera tek pjesëmarrësit. Ndërkaq, në një përmbledhje të turit nga VTA, agjencia turistike çeke “Të gjitha fytyrat e Shqipërisë” i kushtohet vëmendje Nivicës dhe punës së shkëlqyer për markimin e shtigjeve.
Turistët çekë të mbledhur në këtë projekt duket se janë ndarë me përshtypjet të mrekullueshme nga vera e kaluar në Nivicë.
Ja se çfarë thonë ata në përmbledhjen e projektit të postuar online nga VTA.
“Gjatë këtij qëndrimi, ne kemi arritur t’i shënojmë Nivicës rrugë të re të bukur historike që çon në jug përmes Golemit, fshatit të bukur, por të braktisur, Kapariel, Zhulat, Fushë Bardhë. Me përpjekje të madhe, vullnetarët arritën të zbulojnë dhe shtigje të vjetra, të kryesuar nga ekspertët më të kërkuar, nëpër kanionet deri në qendrën rajonale Tepelenë dhe detit.
Falë materialeve të mbledhura, një hartë e detajuar e shtigjeve dhe e zonës do të krijohet për t’u gjetur lirisht nëpërmjet internetit për këdo që dëshiron të vizitojë këtë zonë të bukur. Mundësi të hapura për ndërlidhjen e drejtpërdrejtë të familjeve lokale dhe turistëve, të cilët dëshirojnë ta njohin këtë zonë më vete. Kemi menduar edhe disa projekte tjera për të ardhmen, që duam t’i zhvillojmë në zonë. Gjithashtu do ta shfaqim edhe me video në formën e dokumentarit ku do të tregojmë vlerën e vërtetë të kësaj mrekullie tepër të rëndësishme e cila ende neglizhohet nga shteti Shqiptar.
Jemi të nderuar që arkeologët janë bashkuar me projektin që nga ky vit. Tashmë në vizitën e tyre të parë ata sollën shumë njohuri të vlefshme në lidhje me këtë fushë pothuajse të pazbuluar – puna këtu do të vazhdojë edhe në vitet e ardhshme dhe kështu të zbulohen detaje të tjera të panjohura më parë të historisë së saj…”.
Në postimin e tyre, turistët dhe agjencia që ka organizuar këtë tur në Nivicë i përcjell falënderimet më të mëdha Auron Tares, falë vizionit dhe veprimeve të të cilit, Nivica ngrihet nga hiri, sikundër dhe shumë vende të tjera.
Agjencia falënderon edhe vullnetarët që janë bashkuar për të përmbushur këto arritje.