Autoriteti Portual Durrës (APD) bën të ditur se gjatë javës së fundit mbi 55 mijë udhëtarë me afro 12.500 autovetura kanë shfrytëzuar tragetet për të lundruar drejt Barit dhe Ankonës (Itali) dhe anasjelltas.
Që prej dy javësh ka nisur kthimi masiv i bashkatdhetarëve nga pushimet verore në vendin tonë, në Kosovë dhe Maqedoni. 5-7 tragete kanë lundruar edhe këto ditë për të përballuar numrin e madh të udhëtarëve.
Gjatë periudhës 24-30 gusht tragetet drejt Italisë janë preferuar nga 43.040 udhëtarë me 10.413 automjete, ndërsa numri i atyre që kanë mbërritur nga Italia ka qenë 7 herë më i vogël, 6165 udhëtarë me 1500 autovetura gjithsej. Gjatë fundjavës pritet një numër më i madh udhëtarësh me tragete.