Maxhoranca miratoi e vetme në parim ndryshimet në Kodin Penal që i hapin rrugë dënimeve me gjobë dhe heqje lirie për agresorët dhe keqtrajtuesit e kafshëve. Kryetari i Komisionit të Ligjeve, Ulsi Manja i bëri thirrje opozitës të mbështes nismën e ardhur si propozim i mbi 37 zgjedhësve, duke qenë se ndryshimet në Kodin Penal kërkojnë 84 vota.
“Kjo është nismë e rëndësishme, shumë sensitive. Këtë e tregon edhe fakti që janë 37.527 zgjedhës që kanë dhënë mbështetje për këtë nisëm. Sigurisht komisioni duke e vlerësuar rëndësinë e kësaj nisme e ka përfshirë edhe në programin e punës së Kuvendit. Kërkon 84 vota sigurisht. Ka gjithë vullnetin tonë si maxhoranca, por dihet që duhen 84 vota dhe është shumë e nevojshme mbështetja që do të jap opozita për këto ndryshime”, tha kreu i Komisionit të Ligjeve, Ulsi Manja.
Sipas propozimit të mbërritur në Kuvend për ndryshime në Kodin Penal, cilido që, i motivuar nga ligësia apo pa arsye vret një kafshë, dënohet me burgim nga gjashtë muaj deri në dy vite.
Përfaqësuesit e Prokurorisë së Përgjithshme në parim e kanë cilësuar të nevojshme ndryshimet në Kodin Penal për mbrojtjen e kafshëve. Sipas përfaqësuesit të organit të akuzës, është e nevojshme të bëhen fillimisht ndryshime që mbrojnë shëndetin e publikut. “Duhet ndërhyrë në Kodin Penal për të bërë ndryshime në disa vepra penale për të parandaluar, mbrojtur në mënyrë të posaçme publikun nga sëmundjet e transmetueshme nga kafshët.
Edhe deputeti i PS, Bashkim Fino e cilësoi interesante nismën për mbrojtjen e kafshëve por u shpreh me rezerva për faktin se për agresorët e kafshëve është përcaktuar edhe dënim me heqje lirie edhe gjobë. “Ka dy penalitete në çdo nen. Ka burg ka edhe gjobë. Në çdo nen thuhet se dënohet me burg nga 2-3 vjet dhe me gjobë nga 50-100 mijë. Një njeri kudo nuk mund të dënohet me penalitete”.
Projektligji
