Ka nisur pak minuta më parë mbledhja e Kryesisë së Partisë Socialiste e cila zhvillohet në pallatin e kongreseve.
Sipas informacioneve mbledhjen e kryeson Kryeministri Edi Rama. Me anë të një fotoje në Instagram, Kryeministri ka treguar edhe rendin e ditës që priten të diskutohen gjatë mbledhjes.
Nga fotoja shihet se do të diskutohet për turin e Llogaridhënies Publike, por dhe për zgjedhjen e Këshillave Bashkiakë në zgjedhjet e ardhshme. Po ashtu sot mësohet se do të ketë zhvillime dhe nga partitë opozitare, pasi dhe LSI ka lajmëruar një mbledhje të Grupit Parlamentar. Ndërsa në orën 11 do të ketë dhe një komunikim për mediat.
