Ish Presidenti “konsensual” Bujar Nishani në Ditën Ndërkombëtare të të Drejtave të Njeriut, thotë se “një prej këtyre të drejtave tashmë të dhunuara është ajo e pronës”.
Përmes një postimi në rrjetin social Facebook ai thotë se Shqipëria ka bërë shumë hapa pas sa i përket lirive.
Më tej ai tregon i shqetësuar se ky skandal sipas tij bën me turp autoritetet më të larta të drejtësisë shqiptare dhe kompromenton seriozitetin.
POSTIMI I PLOTË:
“Where, after all, do universal human rights begin? In small places, close to home — so close and so small that they cannot be seen on any maps of the world. […] Unless these rights have meaning there, they have little meaning anywhere. Without concerted citizen action to uphold them close to home, we shall look in vain for progress in the larger world.” Eleanor Roosevelt
Sot në ditën botërore të lirive dhe të drejtave themelore të njeriut, Shqipëria ka bërë shumë hapa pas, për fat të keq !
Një prej këtyre të drejtave tashmë të dhunuara është ajo e pronës, duke e zëvendësuar atë nga një e drejtë themelore e garantuar me ligj, me një mekanizëm shtetëror që shkel parimin e sigurisë juridike, parimin e barazisë ligjore, mosdiskriminimit si dhe të drejtat e pronës, duke dhunuar kështu nenin 6/1 të Konventës dhe nenin 1 të Protokollit 1 të Konventës të Këshillit të Evropës.
E drejta e pronës në Shqipëri tani gjykohet sipas një ligji, vlerësimi për të cilin nga Komisioni i Venecias është bërë mbi një version të fallsifikuar, dërguar nga institucionet e Shtetit Shqiptar.
Ky skandal i përmasave të mëdha nuk do mund të harrohet lehtë. Por ai bën me turp autoritetet më të larta të drejtësisë shqiptare dhe kompromenton seriozitetin e individëve të përfshirë në opinionin e Venecias.
