Alban Skënderaj, siç ka lajmëruar, do të mbajë një koncert të rëndësishëm për karrierën e tij muzikore. Më 2 mars ai do të mbajë koncertin “Hapësira e një ëndrre” në Tiranë, ku do të këndojë krijimet e 15 viteve, shoqëruar nga Orkestra Simfonike e RTSH-së.
Në njoftimin e parë për datën e koncertit, Albani u komunikoi fansat që ende nuk ishin vendosur detajet për shitjen e biletave, por tashmë, siç dhe premtoi, i ka ndarë ato me të gjithë fansat që duan ta ndjekin drejtpërdrejtë.
Është më e thjeshtë sesa kurrë për të pasur një biletë, pasi ato do të rezervohen edhe online në faqen pentagrami.al duke nisur nga e hëna, ora 10.00.
Sigurisht, kush dëshiron, i ble edhe fizikisht, në hyrjen e pasme të Pallatit të Kongreseve.
Në Shqipëri ka pasur disa përvoja të pakëndshme me shitjen e biletave online, por angazhimi personal i Skënderaj garanton që procesi do të kryhet brenda të gjitha standardeve.
