Ka nisur seanca e radhës në Gjykatën Speciale, ndaj ish-presidentit Hashim Thaçi, ish-kryeparlamentarit Kadri Veseli, Jakup Krasniqit dhe ish-deputetit Rexhep Selimi.
Ish-drejtuesit e lartë të UÇK-së po e ndjekin seancën përmes video-konferencës.
Avokati i ish-presidentit Hashim Thaçi, David Hooper ka deklaruar se janë bërë të ditur 124 dëshmitë në rastin e klientit të tij, por nuk është dhënë asnjë informacion rreth tyre.
“Ka dëshmitarë që s’janë bërë të ditur, nuk është dhënë ndonjë përmbledhje, çfarë do të diskutojnë këta dëshmitarë. Asnjë dëshmitarë nuk është bërë i njohur bashkë me provat sepse kur ka një dëshmitar, duhet të ketë edhe të dhëna”, ka deklaruar ai. Hooper ka shtuar se mungojnë dëshmitë dhe të dhënat e tyre.
Sjellim në vëmendje që që prej fillimit të nëntorit Thaçi, Veseli, Krasniqi dhe Selimi ndodhen në paraburgim në Hagë, pasi akuzohen për krime lufte.
Zyra e Prokurorit të Specializuar përmes një parashtrese drejtuar gjyqtarit të procedurës paraprake lidhur me konferencën e tretë ka kërkuar që fillimi i gjykimit të jetë në shtator të vitit 2021.