Update/ Nis shorti për zgjedhjen e arëtarëve të përhershëm dhe të përkohshëm
Anëtarët nga Gjykata Kushtetuese
- Besnik Imeraj
- Altina Xhoxhaj
- Një Anëtar zëvendësues
Vitore Tushaj
Anëtarët nga Gjykata e Lartë:
- Artan Broci
- Shkëlzen Selimi
Anëtarët nga Prokuroria e Përgjithshme zgjidhet:
- Rovena Gashi (Emri i vetëm i propozuar)
Anëtarët nga Gjykatat e Apelit
- Enton Dhimitri
2. Fatos Qato
Anëtari i përhershëm nga Gjykatat Administrative
- Ahmet Jangulli
Anetari zëvendësues nga lista e Gjyqtarëve të Gjykatës së Apelit dhe asaj Administrative
- Sotiraq Lubonja
Lista me emrat e Prokurorëve që plotësojnë kushtet për të qenë anëtarë të Këshillit të Emërimeve në Drejtësi
1-Rovena Gashi
2-Gentian Trenova
3-Fatjona Memçaj
Nis sot shorti për zgjedhjen e anëtarëve të Këshillit të Emërimeve në Drejtësi. Shorti do të drejtohet nga zv. kryetarja e Kuvendit Vasilika Hysi.
Procesi nisi me debate, ku Eduard Halimi nga radhët e PD e ka kundërshtuar duke thënë se vendimet e kryetarit të kuvendit janë antikushtetuese. “Po ndryshohen rregullat për përfitime politike”, u shpreh Halimi.
Sakaq bëhet e ditur se LSI nuk merr pjesë në këtë hedhje shorti, dhe përfaqësues i saj është Nasip Naço.
DEBATI
Halimi: Presidenti thotë se nuk e hedh shortin pa u bazuar në Kushtetutë, do pres kriteret ligjore. Më të mirë të zgjedhin kupolën e emërimeve në sistemin e drejtësisë. Kryetari i Kuvendit ka shkelur Kushtetutën dhe ligjin. Kush është kryetari i Kuvendit, si mundet t’iu thotë institucioneve të pavarura “ju do më sillni këtë listë”. Ky ndryshim i paligjshëm në mes të procesit është i papranueshëm. Kjo përbën hapur tentativë për të ndikuar në sistemin e drejtësisë. Gjykata Kushtetuese është bllokuar, me 3 gjyqtarë më pak. Prandaj, propozimi i PD ishte që deri në mbushjen e këtij boshllëku procesi nuk mund të bëhet.
Manja: Refuzimi i një institucioni kushtetues është antikushtetues. Për opozitën rëndësi kanë pasur emrat, ndërsa për ne rëndësi ka pasur zbatimi i Kushtetutës dhe procesi. Unë nuk di me aq sa e kam lexuar Kushtetutën, në asnjë nen të saj nuk thuhet apo nuk përcaktohet një afat kohor për dispozitat transitore. Në këtë mënyrë, Kuvendi është i detyruar të zbatojë Kushtetutën dhe ligjin. Kështu që jemi në situatën e krijimit të KED. Nuk dua të humbim asnjë minutë kohë në krijimin e institucioneve të reja të sistemit të drejtësisë. Boll kanë pritur shqiptarët për të pasur atë sistem drejtësie që duan. Hajdeni, që ashtu siç miratuam reformën me konsensus, të krijojmë me të njëjtën frymë dhe institucionet e reja.
/AlpeNews.al
