Nëse do ishte për denoncimet kundrejt qeverisë, “Facebook-u” i ish kryeministrit Berisha apo ndryshe “qytetarit dixhital” do të mbante padyshim vendin e parë.
Vetëm ditën e sotme ka plot 4 prej tyre. E prapë as edhe një fjali të vetme sa i përket një prej momenteve historike të këtij viti që po mbyllet, ngritjen e krijimin e organit të drejtësisë që do të hetojë zyrtarët, prokurët dhe gjyqtarët e korruptuar., SPAK.
Nga ana tjetër, ka një reagim të Partisë Demokratike por jo një të kreut të saj, Lulzim Basha në profilin e tij.
Sa i përket Presidentit të Republikës, ndonëse betoi 8 prokurët e SPAK, preferoi që në vend të një fjale për ngritjen e strukturës të priste në zyrë, Ervin Salianjin, ish deputetin e PD që u denua ditën e djeshme me 1 vit burg për inskenimin e çështjes “Babale”. /ALPEnews.al
