Në rubrikën tonë të përditshme “Spring në Alpe” kemi zgjedhur t’iu sjellim pak nga atmosfera e festës në parkun Arkeologjik të Apolonisë.
“Ngjyrat e qytetit tim” është quajtur aktiviteti që ka mbledhur një pjesë të mirë të fierakëve për të festuar së bashku.
Elementët kryesorë të festës kanë qenë muzika, kryesisht me këngëtarë të muzikës popullore, lojëra këngë, valle, lojëra, piknik dhe argëtim pafund,
Aktiviteti ka filluar në orën 10:00 dhe është mbyllur në orën 14:00.
Ashtu siç ishte njoftuar edhe nga kryebashkiaku Subashi, hyrja ka qenë falas.
Një ndër pjesëmarrësit, Ermal Hekani pohon për AlpeNews.al se ia kaloi shumë bukur pasi mënyra se si ishin ndërthurur aktivitetet shmangte monotoninë, kishte muzikë dhe njerëz shumë.
Ndërkohë që Arsjan Aliaj, një tjetër pjesëmarrës shprehet se ai mori pjesë familjerisht në festën në Apolloni, dhe se i pëlqen fakti që Bashkia e Fierit organizon aktivitete të tilla, duke e gjallëruar popullësinë herë pas here.
AlpeNews.al ju sjell pamje nga aktiviteti që Bashkia e Fierit organizoi ditën e sotme në Apolloni.
Përgatiti: AlpeNews.al
