Renea dhe nga Forca e Posaçme Operacionale në Drejtorinë e Përgjithshme të Policisë së Shtetit vijojnë operacionet e befasishme në vend, ndërsa po zhvillojnë kontrolle në Shkodër e Fier mbrëmjen e sotme.
Kontrollet e befasishme po kryhen për kapjen e personave në kërkim, të atyre që qarkullojnë me armë zjarri, apo me lëndë narkotike, si dhe për kapjen e disa personave që janë të dyshuar si autorë të disa ngjarjeve kriminale të ndodhura me parë në vend.
Në drejtim të forcave policore janë drejtues të lartë të Policisë së Shtetit dhe drejtues të strukturave vendore përkatëse.
Kjo është dita e dytë e këtij aksioni të Policisë në vend, ndërsa një ditë më parë u zhvilluan kontrolle të befasishme në 5 qytete, Elbasan, Lushnje, Fier, Vlorë e Durrës.
Si rezultat i këtij operacioni, mbrëmjen e djeshme u shoqëruan dhjetëra persona, ndërsa në Vlorë u arrestua Edison Begaj, të cilit iu bë atentat në prag të shtëpisë disa javë më parë.