Detaje tronditëse për krimin në Grevenë, të Greqisë dalin në dritë nga hetimi mjeko-ligjor.
Sipas burimeve mjeko-ligjore mësohet se vrasësi i nënës e kishte përdhunuar atë përpara se ta vriste. Shkaku i vdekjes së gruas ishte mbytja në fyt.
Policia vendase bën me dije se autori vuan nga sëmundjet mendore, dhe disa vite më parë kishte ndjekur të njëjtin model kur kishte vrarë gjyshen.
Njoftimi i policisë:
Pas veprimeve të koordinuara dhe sistematike të Sektorit të Sigurisë Grevenë është hetuar një vrasje e një 83-vjeçareje vendase, e kryer më datë 14.12.2021 në zonën e Grevenës.
Dje (15.12.2021) në mesditë, në zonën e Grevenës, për rastin është arrestuar shtetasi 59 vjeçar, djali i viktimës, ndaj të cilit është ngritur kallëzim penal për veprën penale të vrasje dhe përdhunim.
Në veçanti, përfshirja e 59-vjeçarit ka ardhur pas shfrytëzimit të duhur dhe vlerësimit të kombinuar të të dhënave, të dhënave dhe gjetjeve të dala nga hetimi i rastit, si dhe nga ekspertiza mjeko-ligjore.
Konkretisht, paraditen e pardjeshme (14-12-2021) brenda shtëpisë së tyre, 59-vjeçari i ka shkaktuar vdekjen me anë të mbytjes nënës së tij, ndërsa përveç kësaj janë evidentuar edhe konstatimet e fundit të një akti seksual.