Një ngjarje e rëndë ka tronditur sot Kosovën fqinje. Mediat vendase bëjnë me dije se djali ka vrarë babain duke i prerë kokën me sëpatë, por ky fakt nuk është konfirmuar ende nga policia.
“Me datë 20.07.2020 rreth orës 16:50 Policia ka pranuar një informatë se në Fushë Kosovë ka ndodhur një vrasje. Për rreth 5 minuta njesitë policore kanë arritur ne vendin e ngjarjes, ku edhe kanë arrit te arrestojnë një person të dyshuar. Njësitet relevante kanë dalur ne lokacion dhe hetime të mëtejme janë në proces për tê sqaruar rrethanat tjera të rastit”, ka thënë zëdhënësi i Policisë Daut Hoxha për Gazetën Express.
Ngjarja ka ndodhur pak më shumë se një orë më parë në Fushë-Kosovë. Zëdhënësja e Prokurorisë Themelore të Prishtinës i ka thënë mediave kosovare se Prokurori është nisur për në vendngjarje.
