Për këtë ngjarje ka folur bota e filmit prej shumë kohësh.
Por ajo ridoli në dritë kur aktorja e njohur, Uma Thurman publikoi një shkrim në gazetën e njohur amerikane, NY Times.
Aktorja 47-vjeçare akuzoi producentin Harvey Weinstein për abuzime seksuale.
Për më tepër, ajo tha se ai ka mashtruar dhe ka fshehur një provë të rëndë.
Në vitin 2002, aktorja po xhironte për filmin e njohur “Kill Bill” në Meksikë.
Gjatë një skene, ajo u aksidentua rëndë.
Më vonë Thurman kërkoi videon e aksidentit në set, por nuk ia dhanë.
Vetëm pak orë më parë, videon ia ka dhënë regjisori i atij filmi, Quentin Tarantino.
Ai tha se ky aksident është keqardhja më e madhe në jetën e tij.
Tarantino i kërkoi aktores që të realizonte vetë skenën ku nget makinën me shpejtësi, pavarësisht se ajo i tha që nuk i dukej e sigurtë.
Thurman tha se mendoi se u paralizua pas aksidentit.
Ajo u dërgua në spital me shembje.
