Zbardhet dëshmia Zamir Topit autorit që vrau në mënyrë makabre me sëpatë në kokë, Dashnor Osmanin ditën e sotme në afërsi të Pazarit të Korçës teksa ishte duke shitur banane.
Në dëshminë e tij Topi ka thënë se e ka qëlluar bashkëfshatarin pasi ky i fundit i kishte dëmtuar varrin e nënës. “I kërkova atij të më rregullonte varrin e nënës se ma kishte prishur”, ka thënë ndër të tjera autori në dëshminë e tij.
Autori dhe viktima i kishin varrosur të afërmit e tyre pranë njërit-tjetrit. Kjo çështje ka qenë shkak i disa konflikteve të vazhdueshme mes dy bashkëfshatarëve dhe sot ka përfunduar me një vrasje makabre me sëpatë në kokë.
Dashnor Osmani 50 vjeç është gjetur i vdekur, shtrirë përtokë në afërsi të Pazarit të Vjetër, pasi është qëlluar me sëpatë në kokë nga 42 vjeçari .
Pasi e qëlloi me sëpatë autori është larguar menjëherë nga vendngjarja por është kapur direkt nga policia, vetëm pak metra larg pazarit të Korçës.
