Një nga katedralet më të famshme dhe më madhështore në Francë është përfshirë nga flakët ditën e djeshme.
Ngjarja i ka prekur të gjithë, pasi katedralja mban mbi një histori madhështore. Katedralja Saint-Sulpice ndodhet në Paris. Ajo u përdor në filmimet e autorit amerikan Dan Broën, njohur për bestsellerin e ‘Kodit të Da Vincit’.
Autoritetet shprehen se zjarri përfshiu një pjesë të mirë të kishës, flakët nisën të dalin nga dera dhe nga dritaret.
Në kohën kur objekti u përfshi nga flakët katër persona ndodheshin në brendësi të saj por fatmirësisht asnjë nuk është lënduar. Ndërkaq, autoritet ende nuk janë të qartë për shkaqet e flakëve por po punohet për të zbardhur ngjarjen.