Top Channel zbardh dëshminë e vajzës së mitur, nxënëse në klasën e nëntë në Tiranë, e cila dyshohet se u përdhunua nga një 22-vjeçar.
“A. Domin e njoha përmes rrjeteve sociale dhe pasi folëm gati një muaj, ai erdhi me makinë dhe më mori në shkollë.
Më kishte thënë emrin e mbiemrin dhe që ishte nga Kukësi. Pasi ndaloi makinën më kërkoi të hiqja rrobat, unë kundërshtova por ai më tha se donte të shikonte nëse isha e virgjër apo jo”.
Kallëzëuesja është paraqitur në polici bashkë me të atin, që siç thekson burimi policor pranë drejtorisë së Tiranës, i dyshuari i kërkonte shpesh fotografi nudo.
Në një moment komunikimin me të dyshuarin e ka zbuluar i ati i të miturës, që ka kërkuar identitetin e të dyshuarit, por vajza nuk ka treguar.
Në këto rrethana babai i të miturës ka kryer hetime dhe ka zbuluar se kush ishte personi dhe më pas ka shkuar në polici.
Mësohet se A. Domi pas arrestimit ka mohuar të ketë kryer marrëdhënie jashtë dëshirës së vajzës dhe ka shtuar “ajo më ka denoncuar nga frika e prindërve”.
Por policia thotë se kreu arrestimin e të dyshuarit pasi gjatë kqyrjes së telefonit të tij ka zbuluar fotografitë nudo të vajzës pikërisht ditën kur ajo përshkruan se është përdhunuar.