Policia bën me dije se 53-vjeçarit Kliti Leka, i dyshuar autori i vrasjes së biznesmenit Niko Goro, veç kallashnikovit iu gjet ehe një armë tjetër.
Pas kontrollit fizik, policia i gjeti autorit të dyshuar edhe një pistoletë. Niko Goro, 51-vjeç, u qëllua për vdekje mëngjesin e kësaj të shtune.
Ai ishte duke dalë nga marketi në pronësi të së motrës kur u qëllua, ndërsa për pasojë mbeti e plagosur lehtë edh kjo e fundit.
Shkak i vrasjes dyshohet ët jetë një borxh prej 70 mijë eurosh që biznesmeni i kishte viktimës.
Po ashtu, një tjetër piste ku po hetohet janë edhe problemet me pronësinë, pasi trualli ku biznesmeni po ndërtonte një pallat, rezulton të jetë në pronësi të xhaxhait të viktimës.
Njoftimi i policisë:
Himarë/Informacion shtesë
Në lidhje me informacionin e dhënë për kapjen e autorit të vrasjes në Himarë si dhe për gjetjen e armës kallashnikov, ju informojmë se:
Shërbimet e Policisë gjatë kontrollit fizik të autorit kanë gjetur dhe një tjetër armë zjarri të tipit pistoletë, e cila është sekuestruar në cilësinë e provës materiale.
Grupi hetimor nën drejtimin e Prokurorisë po punon për sqarimin e rrethanave të ngjarjes dhe përcaktimin se me cilën prej armëve të sekuestruara, autori ka kryer krimin.
