Policia e Beratit ka vënë në pranga një 55 vjeçar, pasi dyshohet se ka ngacmuar seksualisht një vajzë 13 vjeçare.
“Nga specialistët e Seksionit për Krimet u bë arrestimi i shtetasit A.Ç., 55 vjeç, banues në Kutalli, pasi ka bërë kallëzim një shtetase 13-vjeçare se ky shtetas e ka ngacmuar seksualisht”, njofton policia.
Materialet i kaluan Prokurorisë së Rrethit Gjyqësor Berat, për veprën penale “Ngacmim seksual”.
Ngacmimi i të miturve është kthyer në fenomen shqetësues, pasi raste të tilla raportohen çdo ditë nga policia.
