Akuzohej për pedofili, mësuesi 63-vjeçar nga Tepelena arratiset nga Shqipëria. Ai u denoncua nga familjarët e nxënëses 11-vjeçare se e kishte ngacmuar seksualisht, ndërsa Gjykata e Gjirokastrës e la të lirë në 8 qershor.
Familja e mësuesit dhe e vajzës ishin fqinjë nga fqinjë nga fshati Luftinjë, kishin hyrje dhe dalje familjare, por sipas prindërve të vajzës, ai e ka ngacmuar vajzën prej 2 vjetësh.
Edhe pse u arrestua nga policia dhe prokuroria nisi një hetim ndaj tij, gjykatësja Mirela Kore liroi mësuesin pa u analizuar të gjitha rrethanat dhe provat e servirura nga organi i akuzës. M.D iu dha masa detyrim paraqitje. Lirimi i mësuesit solli përkeqësimin e gnejdes psikologjike të vajzës, e cila sipas familjarëve ka tentuar vetëhelmimin.
Prej dy ditësh ai është larguar nga banesa dhe ende nuk dihet vendndodhja e mësuesit 63-vjeçar, për të cilin dyshohet se është larguar jashtë vendit.
