Ish-presidenti amerikan, George HW Bush ka kërkuar falje pasi një aktore pretendoi se e kishte ngacmuar seksualisht teksa ishte në karrocë invalidësh.
Heather Lind, 34 vjeç, e akuzoi ish-presidentin 93-vjeçar në një postim në Instagram, shoqëruar me fotot përkatëse.
“Kur u takova para katër vitesh për të promovuar një shfaqje televizive, ai më ngacmoi seksualisht teksa po pozonim. Nuk më dha dorën, por më preku nga pas, teksa ishte në karrocë invalidësh. E shoqja Barbara Bush ishte aty pranë. Ai më tregoi një shaka të pistë”.
Në një deklaratë për mediat, ish- presidenti tha se në asnjë rrethanë nuk ka pasur për qëllim të shkaktonte shqetësim tek dikush.
“Kërkoj falje sinqerisht nëse tentativa për humor e ka ofenduar zonjën Lind”.
