Janë të shumta rastet kur shoku vret shokun për shkaqe banale. Rasti më i fundit ishte ai që ndodhi mbrëmjen e së hënës në Astir kur Noel Dishi vrau shokun e tij Vilson Tafçiun.
Autori njihej si Noel Dishi, mirëpo emri i tij i vërtetë është Miklovan Prifti. Ai është me origjinë nga Dibra dhe banues në Durrës.
Dishi e ka pranuar vrasjen e shokut të tij mbrëmjen e djeshme pasi është vetëdorëzuar në polici. Sipas dëshmisë së tij viktima e ka sharë nga nëna, prandaj e ka qëlluar me armë. Pasi kreu krimin autori është larguar drejt Kavajës dhe ka qëndruar i fshehur në një hotel derisa është vetëdorëzuar.
Ka raste të tjera kur shokët kanë pasur konflikte dhe njëri nga ata ka vrarë tjetrin, mizorisht.
Vrasja makabre e Kreshnik Beqirit
Albert Zakaj vrau shokun e tij Kreshnik Beqirin me mjete të forta dhe trupin e hodhi në afërsi të fashatit Daullas. Dy shokët jetonin bashkë në një shtëpi me qera në qytetin e Fierit. Kreshniku i ka kërkuar Albertit të largohej nga shtëpia pasi të gjitha shpenzimet i mbulonte ai dhe më pas janë zënë. Ku ky i fundit e ka goditu me mjete të forta dhe ka shkaktuar vdekjen e shokut të tij.
Vrasje si në filma “horror”, vret shokun me thikë
Fatjon Keta, 22-vjeçari i cili qëlloi me thikë për vdekje shokun e tij Arlind Pasha pas një sherri në qendër të qytetit të Bulqizës. Keta deklaruar në komisariat se vrasjen e ka kryer me vetëdje. Flitej se vuante nga probleme të shëndetit mendor por Keta nuk kishte kartelë shëndetësore.
Vrau shokun e ngjushtë me thikë në zemër
Një 16-vjeçar u vra me thikë në zemër pas një sherri që kishte me shokun e tij të ngushtë. Ngjarja e rëndë ku humbi jetën Dionis Vrenozi ndodhi në qytetin e Fieit. 16-vjeçari nuk mundi t’i mbijetojë plagës së rëndë të marrë nga Florian Gega, i cilu u vetëdorëzua në polici tre orë mbas ngjarjes tmerruese.
