Shkollat në Shqipëri jo në pak raste janë kthyer në një arenë të vërtetë gladiatorësh mes të rinjve.
Nisur nga rasti i fundit, ku një sherr me thika ka ndodhur nëpërmjet dy nxënësve në shkollën ‘Marigo Posio’, në Vlorë, ka lënë të plagosur nxënësin V.Ç në pjesën e barkut, shihet qartë se siguria nëpër shkollat shqiptare është në nivelin 0.
Sherret e nxënësve në shkolla që përdorin edhe mjete prerëse po shënohen përditë, ku në Fier një 16-vjeçar në ambientet e shkollës goditi me dorezë grushti të kombinuar me thikë shokun e klasës.
Një 14-vjeçar u plagos me thikë pas një sherri në shkollë në Korçë.
Një nxënës u plagos me thikë gjatë një sherri në shkollën 9-vjeçare “Bedrie Bebeziqi” në Durrës.
Një tjetër rast i rëndë është edhe i adoleshentit të shkollës Çajupi në Tiranë ku konflikti degradoi në përdorimin e thikave, ku ka ngeli i plagosur rëndë 15-vjeçari me inicialet K.S.
Këto e shumë raste të tjera, kanë bërë që shkollat shqiptare të cilësohen si të degraduara përsa i përket sigurisë , pasi cdo nxënës mund të futet në shkollë me armë apo mjete prerëse pa u shqetësuar nga askush.
Mjetet e dhunës që përdorin të rinjtë, fillojnë që nga dorezat e hekurit, të cilët ata i mbajnë me vete për çdo rast, kaçavidat e deri tek thikat, shkopinjtë e bejsbollit e madje nuk kanë munguar as plagosjet me armë zjarri.
Përgatiti: AlpeNews.al
