Masat e qarkullimit janë ashpërsuar kohët e fundit nga Policia Rrugore, me qëllim parandalimin e aksidenteve, në funksion të rritjes së parametrave të sigurisë së jetës në rrugë. Po diskutohet shumë nëse këto masa janë të duhurat ose jo.
Një nga më të perfolurat është ajo e përdorimit të telefonit gjatë drejtimit të automjetit, masë e cila ndëshkon me 200 mijë lekë gjobë.
Masat kanë konsistuar në parandalimin e shpejtësisë apo manovrave të rrezikshme në rrugë gjoba është nga dyqind e pesëdhjetë deri në një mijë lekë, drejtimin e mjetit nën efektin e alkoolit apo në gjendje të dehur dënohet me gjobë nga pesë mijë deri në njëzet mijë lekë, për mosvendosjen e rripit të sigurimit gjoba që shkon deri në 150 mijë lekë, për përdorimin e celularit gjatë drejtimit të mjetit, shtimin e prezencës së Policisë Rrugore në ato segmente apo vende të sugjeruara nga qytetarët, duke marrë në konsideratë shqetësimet apo konstatimet për shkelje të ndryshme të evidentuara nga ata, të cilët i kanë adresuar në adresat zyrtare të komunikimit të Policisë së Shtetit me komunitetin.
Testi i idiotit është nje tjeter masë shumë e përfolur gjatë ditëve të fundit.
Shoferët do t’i nënshtrohen një testi për gjendjen e tyre psikologjike të njohur si “testi i idiotit” sa herë që efektivët e policisë do të konstatojnë sjellje të rrezikshme të tyre.
“Për shembull, kur kalon shpejtësinë mbi 20 km/orë pezullohet deri në 3 muaj. Gjatë kësaj kohë, kur plotëson këtë afat duhet të kalosh edhe këtë testin pranë një psikologu i cili duhet të jetë pranë institucionit të policisë ose Drejtorisë së Shërbimit të Transportit Rrugor”, thotë eksperti Artur Sulçe.
“Testi i idiotit” aplikohet në Gjermani dhe në disa vende të tjera të Bashkimit Europian. Ai përmban 50 pyetje të thjeshta që tregojnë nivelin psikologjik të drejtuesit të automjetit. Nëse ky test nuk kalohet prej tyre, hiqet leja e drejtimit. ALPEnews.al /Sh.L
