Viti 2019, nuk ka qenë një vit i lehtë për shqiptarët veçanërisht pas tronditjes së madhe nga tërmeti i 26 nëntorit.
Ky i fundit, do të qendrojë gjatë në memorien e çdo shqiptari që e përjetoi e jo vetëm.
Nga ana tjetër, një tjeter ngjarje që tronditi jo pak opinionin publik është edhe grabitje e bujshme e parave nga aeroporti i Rinasit, nga ku dhe mbeti i vdekur kreu i bandës.
Ngjarje e rëndë ishte edhe ajo e vrasjes së vajzës nga babai shqiptar në Australi vetëm sepse nuk e lejonte të dilte me shoqet.
Duke qendruar tek vrasjet por këtë herë në Shqipëri, ajo e Kavajës u fol gjatë edhe për arsyen se në të ishte e perfshirë një femër që u tregua tejet e hapur për mediat.
Viti u mbyll trishtë edhe për familjen në Librazhd pas helmimit të çiftit. Ngjarja mister, vijon të ketë pikëpytje të mëdha.
Tërmeti
Ngjarja më e rëndë e ndodhur në Shqipëri jo vetë kete vit, është padyshim tërmeti i 26 nëntorit. Goditja me magnitudë 6.4 ballë la pas 51 viktima dhe familje të tëra pa shtëpi. Epiqendra ishte në Durrës dhe zonat më të prekura veç tij ishin Tirana e Lezha.
Grabitja e Rinasit
Grabitja e rreth 5 milionë eurove nga aeroporti i Rinasit, më 9 prill, është konsideruar si nje nga më të medhatë te ndodhura në Shqipëri.
Kreu i bandës 46-vjeç, AdmirMurataj humbi jetën gjatë shkëmbimit të zjarrit me policinë një kilometër larg Rinasit, ndërsa 20 thasët e grabitura me para nuk janë gjetur ende nga uniformat blu.
Babai shqiptar vret vajzën se nuk e la të dilte me shoqet
Petrit Lekaj u arrestua nën akuzën e vrasjes së vajzës së tij. 20-vjeçarja u gjet e vrarë në makinën e saj të dielën, ndërsa babai 49-vjeçar ishte aty pranë, i lyer me gjak.
Sipas dëshmive, shkak i vrasjes së rëndë ishte se e reja kerkonte të dilte me shoqet më shpesh dhe i ati nuk e linte.
Vrasja në Kavajë
Një tjeter ngjarje tronditëse është ajo e vrasjes në Kavajë ku humbi jetën Dritan Haxholli dhe u plagos me një plumb në qafë shefi i sigurisë së Brendshme në burgun e Durrësit Bledar Toçi si pasojë e shkëmbimit të zjarrit.
Marsida Qatja u konsiderua si “molla e sherrit” dhe ngjarja zgjati ditë të tëra për shkakun edhe se kjo e fundit, prenoncohej shumë per mediat.
Helmimi i çiftit në Librazhd
Një ngjarje e rëndë tronditi mbarë opinionin publik, ku u raportua se çifti i sapomartuar Olsian dhe Rezarta Hajdari ishin helmuar dy ditë më parë në fshatin Xhyrë të Librazhdit.
Dy të rinjtë kishin kurorëzuar lidhjen e tyre 4-vjeçare në martesë një javë më parë, të dielën. 19-vjeçarja fatkeqësisht humbi jetën, ndërsa i shoqi asaj mundi t’i shpëtojë helmimit, por përfundoi në gjendje kome.
Ende sot, shkaqet e ngjarjes së rëndë janë të paqarta.
/ALPEnews.al
