Qyteti i rëndësishëm strategjik i Severodonetsk në Ukrainën lindore u sulmua nga shumë drejtime gjatë natës, por rusët u tërhoqën prapa, tha të dielën zyra e presidentit ukrainas Volodymyr Zelensky.
“Severodonetsk u sulmua nga katër anët menjëherë, por armiku u zmbraps dhe u tërhoq në pozicionet e mëparshme”, tha në konferencën presidenciale në mëngjes.
Shtatë shtëpi në Severodonetsk dhe të paktën 27 shtëpi në qytetet dhe fshatrat përreth u dëmtuan, thuhet në deklaratë.
Sulmi në Severodonetsk ishte pjesë e një sulmi më të gjerë përgjatë vijës së kontaktit midis forcave ruse dhe ukrainase, tha shtabi i përgjithshëm ushtarak ukrainas.
“Armiku qëlloi me mortaja dhe artileri mbi pozicionet e Forcave të Mbrojtjes përgjatë gjithë linjës së kontaktit, duke përqendruar përpjekjet në drejtim të vendbanimeve Severodonetsk dhe Lysychansk”, tha ushtria ukrainase në konferencën e saj të mëngjesit.
“Forcat armike po përgatiten të rifillojnë ofensivën në drejtimin Sloviansk”, tha shtabi i përgjithshëm ukrainas, duke iu referuar një tjetër qyteti kyç në zonë.
Severodonetsk dhe Sloviansk janë çelësi për kontrollin e rajonit të Luhanskut të Ukrainës. Pjesë të Luhanskut dhe Donetskut fqinj janë kontrolluar nga separatistët e mbështetur nga Rusia që nga viti 2014.
Faza aktuale e fushatës ruse në Ukrainë synon të sigurojë kontrollin e të gjitha rajoneve separatiste.
