Sot Kosova feston 10 vite Pavarësi e në të gjithë trojet shqiptare kanë shpërthyer urimet. Kudo mbizotëron atmosfera festive e pritet që mbrëmjen e sotme në Prishtinë të mbahet një koncert i madh me pjesëmarrjen e veçantë të Rita Orës.
Në lumin e madh të urimeve që do të shihni në Instagram, le të themi se më i veçanti e më i bukuri është ai që ka bërë Nora Istrefi dhe Robert Berisha, ose më saktë vajza e tyre Renee.
E veshur me ngjyrat e flamurit kosovar, blu dhe të verdhë, me një shall, këmishë të bardhë dhe me një buzëqeshje në fytyrë, kjo foto e Renneesë është gjëja më e lezetshme që do të shihni sot. Vogëlushja shfaqet e pozicionuar në një podium të vogël me një mikrofon në dorë, si një lajmëtare e vërtetë e Pavarësisë.
