Banorët e Astirit kanë hyrë në ditën e 61 të protestës së tyre. Me jelek portokalli kanë bërë thirrje popullit të ngrihet. Kujtojmë këtu se jeleku, edhe pse në ndryshim ngjyre, erdhi pas protestave në Paris ku qytetarët u ngritën duke mbajtur veshur jelek të verdhë.
Në Paris
Në Astir:
E megjithatë, duket se ndryshimi midis dy protestave sigurisht, nuk është vetëm ngjyra.
Nëse një “jelekportokalli” do arrestohej për një… shkop!
Ka patur një sforcim të paparë për të vendosur një paralele mes protesutesve “jelekverdhë” në Francë me ata të Astirit në Tiranë. Të parët protestojnë kundër taksës së karburantit, ndërsa këtu protestohet kundër projektit të zgjerimit të segmentit të Unazës së Re.
Në Shqipëri ishte dita e 61 e protestës e cila ka vetëm një të përbashkët me atë në Paris: Përkojnë në kohë. “Jelekverdhët dolën për herë të parë në rrugë më 17 nëntor. Ndaj për ta lidhur edhe me një element tjetër, këtu disa protestues janë veshur herë pas here me jelekë ngjyrë “portokalli”. Në Paris u arrestua Eric Drouet, i konsideruar njëri prej udhëheqësve kryesorë të protestës. Ndaj tij ka nisur një proces gjyqësor “për mbajtjen e një arme të kategorisë D”, pasi në momentin e ndalimit “iu gjet me vete… një shkop druri”.
Nuk dihet nëse Eric do shndërrohet në hero duke e ndezur më shumë revoltën, apo ajo do shuhet. Paralelja e “jelekverdhëve” të Parisit me “jelekportokallinjtë” e Tiranës në këtë rast lidhet me faktin, se as më shkon në mendje që policia jonë do arrestonte udhëheqësin e këtushëm nën akuzën e mbajtjes së një shkopi druri. Kaq mjafton për të kuptuar se sa ngjasojnë në thelb, këto dy protesta me njëra tjetrën.
/AlpeNews.al
