Forcat RENEA, FNSH, Operacionalia dhe uniforma blu nga drejtoritë vendore vunë në zbatim një plan të marte ( 20 qershor) të hartuar me detaje për ndërhyrjen në një territor ku prej vitesh aksesohej vetëm nga muxhahedinët në kampin Ashraf 3 në Manëz, ditën djeshme.
Aksioni i Policisë u shoqërua me përplasje fizike mes iranianëve dhe forcave të policisë, e cila si pasojë sipas tyre solli dhe një viktimë.
Sipas Neës24, në dosjen e SPAK për aksionin e djeshmë në MEK, argumentohet dhe ndërhyrja e policisë, për të ushtruar kontrolle dhe për të bllokuar disa pajisje elektronike, mes tyre laptopë. Në dosjen në fjalë thuhet se ka dyshime që nga organizata MEK, të kryheshin sulme kibernetike në drejtim të Republikës Islamike të Iranit.
Aksioni policor në MEK, reagon Irani: Muxhahedinët, kërcënim për sigurinë e Shqipërisë
“Është referuar fakti se dyshohet se nga organizata “MEK” (Organizata e Muxhahedinëve të Popullit të Iranit) nga territori i Republikës së Shqipërisë ka kryer sulme kibernetike ndaj Republikës Islamike të Iranit në disa periudha të ndryshme kohore si dhe drejt disa institucioneve në shtetin iranian. Duke qenë se statusi i qëndrimit të organizatës MEK në Shqipëri është humanitar, Republika Islamike e Iranit në vazhdimësi ka pretenduar duke ngritur këto dyshime si dhe në mënyrë të vazhdueshme kërcënon se do të ndërmarrë sulme ndaj Shqipërisë dhe organizatës MEK.”, -thuhet në vendimin e gjykatës.
